Coffee Guff with Binita Baral

थुप्रै नेपाली गीतका भिडियोहरुमा अभिनय गरेर ख्याती कमाएकी बिनिता बराल यतिबेला "चपली गर्ल"को रुपमा परिचित छन् । चैत ३ गते रिलिज हुने सिनेमा 'चपली हाईट'बाट उनले थप उचाई लिएकी छन् । यतिबेला उनि सोही सिनेमाको प्रचार-प्रसारमा व्यस्त छन् । प्राय: एक्लै हुँदा कबिता रच्ने बिनिताले कफी गफमा आफ्नो कबिता सुनाईन् ।

'महंगाईले बगाएको'
" महंगाईले सबै बगायो, बाँकी रह्यो त आँशु
जिन्दगीमा आँशु मात्र सस्तो भयो

हाँसो किन्न नसकिने भयो, खूशी किन्न नसकिने भयो
सस्तो भयो त आँशु केवल, जिन्दगीमा आँशु मात्र सस्तो भयो

समय सँग चल्न सकिन, समयलाई बदल्न पनि सकिन
बिचमा अड्किनुको ब्यथा कसरी संझाउँ, जिन्दगीमा आँशु मात्र सस्तो भयो "

कस्तो अवस्थामा कविता लेख्नुहुन्छ ?
प्राय: एक्लै भएको अबस्थामा लेख्ने गरेकी छु । भावुक भएको बेला बढी रचना आउँछ ।

फुर्सदको समयको सदुपयोगको तरिका ?
नोबलहरु पढ्ने, सिनेमा हेर्ने, घरमा समय दिने अनि म खाना पनि मिठो पकाउँछु ।

कलाकारिता र कविता बाहेकका रुचि के-के हुन् ?
पढ्ने, लेख्ने, घुमघाम, ईत्यादि ।

कस्तो अबस्थामा आफूलाई दुखि या खुशी ठान्नुहुन्छ ?
खासै त्यस्तो अबस्था भन्दा पनि कहिलेकाँही यत्तिकै कुनै कुरा सम्झँदा हुने कुरा हो खुशि या दुखी भनेको । बिहानै उठ्दा कहिलेकाँही आँफै खूशी हुन्छु कहिलेकाँही उठ्दानै आफूलाई दुखी पाउँछु । कुनै काम बिग्रियो भने जो पनि दुखी भईहाल्छ अनि काम बन्यो भने स्वभावले नै खूशी भईन्छ ।

कस्तो बेलामा आफ्नो सबैभन्दा नजिकको मान्छेको याद आउँछ ?
मान्छे स्वभावैले स्वार्थी हुने रहेछ । अरु बेला भन्दा म जब एक्लो अनुभव गर्छु त्यतिबेला नजिकको साथी सम्झन्छु ।

परिवारको सवैभन्दा नजिकको व्यक्ति ?  मम्मी ।

साथीभाईमा ? धेरै साथीहरु नजिक हुनुहुन्छ । जस्तो: तपाई, दिक्पाल भाई, शोवि लगाएतका साथीहरु ।

सिनेमामा काम गर्दा आफ्नो जिवन कस्तो ठान्नुहुन्छ ?
सिनेमा र वास्तबिक जिवन फरक कुरा हो । तर कहिलेकाँही सिनेमाको भावमा डुब्दा आफ्नै जिवन जस्तो पनि लाग्छ ।

राजनितीमा चासो छ ?
चासो त छ तर राजनिती गर्ने चासो भने होईन । देशको नागरिकले देशको राजनिति त बुझ्नै पर्छ ।

विबाहित साथीहरुको जिवन हेर्दा रहर लाग्दैन ?
अवश्य लाग्छ नि । मेरा लगभग सबै साथीहरुको बिबाह भईसक्यो । कोहीका छोरा-छोरी समेत छन् । उनिहरुको जोडी देख्दा कल्पनामा हराउँछु ।

भनेपछि अब बिबाह गर्ने हो ?
साथीहरुको देख्दा रहर लाग्ने मात्र हो । खासमा अहिले मेरो विचार बिबाहमा नभएर करिअरमा फोकस छ ।

कसैलाई श्रीमान बनाउन रोज्नुभाछ ? छैन, यो मेरो परिवारको जिम्मा हो ।

तपाईका फ्यानले सँगै कफी पिउन चाहनुभो भने ?
उहाँले मात्र चाहेर भन्दा पनि मैले पनि चाहेँ भने पक्कै सकिन्छ । फोनको भरमा भन्दा पनि पहिला चिनजान हुनुपर्यो अनि मात्र ।

फ्यानले बिहे प्रस्ताव गर्नुभो भने ?
यो त धेरै ठुलो कुरा भयो । कुरा बुझाउँछु । बिहे भनेको यत्तिकै हुने कुरा होईन । मानिस भएपछि कुरा पक्कै बुझ्नुहुन्छ ।
---जीवन पराजुली